Кыргызстандын президенти Сооронбай Жээнбеков Касым-Жомарт Токаевди президенттик шайлоодогу жеңиши менен куттуктады, бирок Казакстандын Борбордук шайлоо комиссиясы (БШК) алдын ала жыйынтыктарды жаңыдан эле чыгарган болчу. Казакстандын БШКсы 10-июнда билдиргендей, алдын ала жыйынтыктар боюнча Токаев үчүн шайлоочулардын 70,76 пайызы добуш берген.
«Жээнбеков жаңы шайланган Президенттин ишмердиги Казакстандын мындан аркы туруктуу жана ар тараптуу өнүгүүсүнө өбөлгө түзөөрүнө ишеним билдирди. Кыргыз-казак кызматташтыгын кеңейтүү максатында Жээнбеков Токаевди Кыргызстанга расмий сапар менен келүүгө чакырды», — деп айтылат кыргыз президентинин басма сөз кызматынан билдирүүсүндө.
Жээнбеков Токаевди биринчилерден болуп куттуктады. Ошондой эле Токаев Борбор Азия өлкөлөрүнүн башка президенттеринин да куттуктоолорун алганга үлгүргөн. Аны Өзбекстандын башчысы Шавкат Мирзиёев жана Тажикстандын президенти Эмомали Рахмон куттукташкан.
Казакстандын президентинин шайлоосу ар кайсы шаарлардагы митингдер жана көптөгөн эреже бузуулар жөнүндө билдирүүлөр менен коштолуп өттү — бюллетендерди таштоолор жана шайлоочуларды ташып жеткирүү.
Байкоочулар участкалардын биринде шайлоо комиссиясы столдун алдында Токаев үчүн добуш берилген бюллетендерди кармап отурушканын катташкан.
Андан тышкары шайлоо күнү полиция жана тез аракет көрүү отряды активисттерди, журналисттерди жана укук коргоочуларды кармаган. ИИМдин маалыматы боюнча, Нур-Султан менен Алматада полицияга 500гө чукул адам жеткирилген. Министрликтен кабарлашкандай, кармалгандар «тыюу салынган экстремисттик уюмдун КДТ чакырыгы боюнча» (Казакстандын демократиялык тандоосу) каршылык акциясына чыгышкан.
КДТ кыймылын чет өлкөдө жашаган оппозиционер Мухтар Аблязов жетектейт. Казакстанда аны өмүр бою эркинен ажыратуу боюнча өкүм чыккан.
Кармалгандардын арасында «Азаттыктын» казак редакциясынын фотожурналисти Петр Проценко менен кабарчысы Сания Тойкен жана France-Pressтин журналисти Крис Риклтон болушкан. Ошондой эле казакстандын адам укуктары боюнча бюросунун кызматкери Дмитрий Тихонов менен укук коргоочу Мариус Фоссум кармалган.
