Улуттук коопсуздук боюнча мамлекеттик комитети кабарлагандай, мурдагы президент Алмазбек Атамбаевдин үйүн штурмга алуу учурунда жабыркаган аскерлер үчүн дары-дармек алууга каражат чогултуу иш-чарасы жүргүзүлгөн жок.
«Учурда Кой-Таш айылында жарадар болушкан кызматкерлердин бардыгы ар тараптуу медициналык жардам алышууда жана керектүү дары-дармектер менен камсыздалышкан», — деп айтылат атайын кызматтын билдирүүсүндө.
УКМК кыргызстандыктарды «жарадар болгон кызматкерлерге ыктымал акча чогултуу акцияларына катышпоого жана ишенбөөчүлүк менен мамиле кылууга» чакырды.
Мурдагы президент Алмазбек Атамбаевдин үйүн штурмга алуу 7-августта башталган. Аны кармоого багытталган биринчи аракет ийгиликсиз болуп, штурм учурунда спецназдын бир кызматкери каза таап, ондогон адам жарадар болгон.
Атамбаев бийликке 8-августта көптөгөн сүйлөшүүлөрдөн кийин колго түшүп берген. Аны УКМКга суракка жеткиришип, андан кийин коррупция боюнча айып тагып 26-августка чейин камакта калтырышкан.
Эки күнгө созулган Кой-Таштагы жаңжалда дээрлик 100 адам ар кандай оор даражадагы жарааттарды алышкан, алардын ичинен 24ү — укук коргоо органдарынын кызматкерлери.
