![](https://ky.kloop.asia/wp-content/uploads/sites/6/2020/09/unnamed-2.jpg)
Республикалык штабтан 25-сентябрда коронавирустун жаңы 175 учуру катталганын кабарлашты. Жаңы катталган учурлардын 76сы лабораториялык тастыкталган.
Аймактар боюнча:
Ош облусу — 50;
Баткен облусу — 41;
Жалал-Абад облусу — 22;
Ош шаарында — 22;
Бишкек шаары — 8;
Талас облусу — 7;
Ысык-Көл облусу — 7;
Чүй облусу — 5;
Нарын облусу — 3.
Мындан сырткары өткөн суткада илдеттен 142 бейтап айыкты.
COVID-19дан айыккандардын 51и Бишкек шаарында катталды. Ошондой эле Ош облусунда — 23, Ысык-Көл облусунда — 22, Баткен облусунда — 12, Чүй облусунда — 12, Жалал-Абад облусунда — 10, Талас облусунда алты, Ош шаарында беш жана Нарын облусунда бир бейтап сакайып, ооруканадан чыгарылды.
Ушуну менен Кыргызстанда COVID-19 инфекциясын жуктургандардын саны 45 932ге жетти. Алардын ичинен 42 147 бейтап айыкты — бул жалпы оорулуулардын 91 пайызы. Мындан сырткары COVID-19дан 1 063 киши көз жумду.
Бүгүнкү күндө илдеттен 643 бейтап ооруканаларда дарыланып жатат. Ошондой эле, 1 641 киши үй шартында дарыланууда.
Коронавирус медицина кызматкерлеринде да катталды: Бишкек шаарында жана Баткен облусунда төрттөн, Жалал-Абад жана Ош облустарында экиден, Ош шаарында бир медиктен коронавирус инфекциясы аныкталды. Ошондой эле өткөн суткада 22 медик коронавирустан айыкты — алардын 17си үй шартында дарыланган. Жалпысынан COVID-19ду 3 227 медик жуктуруп, алардын 2 918и оорудан сакайган.
Саламаттык сактоо министрлиги илдеттен 71 медкызматкер каза болгонун моюндады.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.