АКШнын Кыргызстандагы элчилиги жумушсуз жаштарга жана майыптыгы бар адамдарга иш табууга жардам берүү үчүн үч айлык курс ачат. Ал үч багыт боюнча окутулат — графикалык дизайн, санариптик маркетинг жана видеопродакшн.
Аталган курска Талас, Нарын, Ош, Жалал-Абад жана Чүй облустарынын тургундары катыша алат. Окутуу онлайн форматында жана акысыз жүргүзүлөт. Ошондой эле, аталган курстун аягында алдыңкы он беш катышуучуга 2021-жылы өтүүчү «Креативдүү кесиптер академиясынын» форумуна жолдомо берилет.
Графикалык дизайн боюнча курска катышуу үчүн билдирмелер 16-ноябрга чейин кабыл алынган. Учурда «Санариптик маркетинг» курсуна өтүнмөлөр кабыл алынууда. Ал эми «Видеопродакшн» курсуна 2021-жылдын 10-апрелинен тарта тиркемелер кабыл алына баштайт. Жалпы 300гө жакын окуучу кабыл алынат.
