Республикалык штаб 23-январда өлкөдө коронавирустун жаңы 93 учуру катталганын маалымдады. Алардын арасында бир медкызматкер бар.
Аймактар боюнча:
Чүй облусунда —29;
Бишкек шаарында — 27;
Ысык-Көл облусунда — 21;
Жалал-Абад облусунда — беш (бир медик);
Ош облусунда — төрт;
Талас облусунда — эки;
Ош шаарында — эки;
Баткен облусунда — эки;
Нарын облусунда — бир.
Өткөн суткада коронавирустан айыккан бейтаптардын саны 108ди түздү — анын ичинде эки медкызматкер бар.
Коронавирустан Бишкек шаарында — 38, Чүй облусунда — 35, Ысык-Көл облусунда — 23, Ош, Баткен жана Нарын облустарында үчтөн, Ош шаарында эки, Жалал-Абад облусунда бир бейтап сакайып, ооруканадан чыгарылды.
Мындан сырткары коронавирустан Чүй жана Ысык-Көл облустарында бирден бейтап каза болду.
Ушуну менен Кыргызстанда COVID-19 инфекциясын жуктургандардын саны 83 796га жетти. Ал эми оорудан 79 772 бейтап айыгып, 1 398 киши көз жумду.
Бүгүнкү күндө илдеттен 689 бейтап ооруканаларда дарыланып жатат — алардын ичинен 28 киши өтө оор абалда. Ошондой эле, 1006 адам үй шартында дарыланууда.
