Республикалык штабдан 21-апрелде коронавирустун жаңы 306 учуру катталгандыгын маалымдашты. Анын ичинде лаборатордук тастыкталганы — 248, клинико-эпидемиологиялык тастыкталганы — 58.
Аймактар боюнча көрсөткүч:
Бишкек шаарында — 203;
Чүй облусунда — 52;
Ош облусунда — 11;
Ысык-Көл облусунда — 16;
Жалал-Абад облусунда — 10;
Ош шаарында — 5;
Нарын облусунда — 4;
Талас облусунда — 1.
Жалпысынан Кыргызстанда COVID-19га чалдыккан бейтаптардын саны 92 626га жетти.
Ал эми акыркы суткада 161 бейтап коронавирустан айыгып, үйлөрүнө чыгарылды. Бишкек шаарында — 97, Чүй облусунда — 44, Ош жана Талас облустарында — экиден, Ысык-Көл облусунда — он эки, Нарын облусунда — бир, Ош шаарында — үч бейтап сакайды.
Ушуну менен өлкө боюнча 87 390 киши оорудан айыкты. Ооруканаларда 1 309 бейтап дарыланып жатат. Анын ичинен 307 киши оор, 52 бейтап өтө оор абалда. Ал эми үй шартында 1 390 киши дарыланып жатат.
Акыркы сутка ичинде жүргүзүлгөн ПЧР изилдөөлөрдүн саны — 5 606.
Мындан сырткары, акыркы суткада Бишкек шаарында жана Чүй облусунда — экиден COVID-19ду жуктурган бейтап каза болду. Кыргызстанда илдеттен 1 561 киши көз жумду.
Ошондой эле, акыркы суткада тогуз медик коронавируска чалдыкты. Бишкек шаарында — беш, Чүй, Ош, Ысык-Көл облустарында жана Ош шаарында — бирден медицина кызматкеринен коронавирус аныкталды. Жалпысынан коронавирус жуктурган медицина кызматкерлеринин саны 4 369га жетти, анын ичинен 4 285 медкызматкер илдеттен айыкты.
