![](https://ky.kloop.asia/wp-content/uploads/sites/6/2020/05/illyu.jpg)
Республикалык штаб 25-майда өлкөдө коронавирустун 298 жаңы учуру катталганын маалымдады. Ооруну жуктургандардын арасында 16 медкызматкер бар.
Аймактар боюнча:
Бишкек шаарында — 144 (жети медкызматкер);
Чүй облусунда — 86 (үч медкызматкер);
Ош шаарында — 23 (эки медкызматкер);
Ысык-Көл облусунда — 18 (эки медкызматкер);
Нарын облусунда — 13;
Ош облусунда — 7 (эки медкызматкер);
Жалал-Абад облусунда — 5;
Талас облусунда — 2.
Ошондой эле өткөн суткада 314 бейтап айыкты. Бишкек шаарында — 228, Чүй облусунда — 58, Ысык-Көл жана Жалал-Абад облустарында сегизден, Ош облусунда беш, Ош шаарында төрт жана Талас облусунда үч жана киши оорудан сакайды.
Мындан сырткары COVID-19дан Бишкек шаарында сегиз бейтап көз жумду.
Жалпысынан Кыргызстанда COVID-19 инфекциясын жуктургандардын саны 103 миңге жетти. Оорудан 96 433 бейтап айыгып, 1 765 киши көз жумду.
Бүгүнкү күндө 1 575 бейтап ооруканаларда дарыланып жатышат — алардын 90у өтө оор абалда. Мындан сырткары 2 200 киши үй шартында дарыланууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.