3-августта Кыргызстанга мушкер, UFC’нин жеңил салмактагы экс-чемпиону Хабиб Нурмагомедов келди. Ал Ысык-Көлдө өтүүчү Eagles Fighting Championship* (EFC) лигасынын аралаш мушташ боюнча турнирине күбө болмокчу.
*Eagles FC (Fighting Championship) — ММА эрежеси боюнча өтүүчү мушкердик лига. Промоушендин президенти жана ээси Хабиб Нурмагомедов.
«Бүгүн Хабиб Чолпон-Атада өтө турган EAGLE FC 38 турнирине келет», — деп билдиришти промоушенден.
Турнир 3-августта саат 17:00дө башталат. Анда 19 беттеш болот, анын ичинде орусиялык Руслан Яманбаев менен кыргызстандык Бусурманкул Абдибаит уулунун таймашы маанилүү деп саналат.
Хабиб Нурмагомедов — таймаштын аралаш түрлөрү боюнча орусиялык UFC мушкери. UFCнин женил салмактагы мурдагы чемпиону.
Профессионалдык деңгээлде 29 таймашка чыгып, бир дагы жолу жеңилүү ызаасын тарткан эмес.
