Саламаттык сактоо министри Алымкадыр Бейшеналиев Социалдык фонддун төрагасы Жаныбек Орозалиевди кызматтан кетиргенин журналисттерге билдирди.
«Ал 24 саат иштегенди билбейт, ошондуктан ээлеген кызматынан бошоттум», — деп билдирди министр «Тазабек» басылмасына.
Соцфонд комментарий алууга жеткиликсиз болду — Орозалиевдин кызматтан бошотулганын ведомстводон тастыктоого мүмкүн болгон жок.
Орозалиев Соцфонддун башчылыгына үстүбүздөгү жылдын май айында дайындалган. Ага чейин ведомстводо коррупциянын алдын алуу маселелери боюнча ыйгарым укуктуу өкүлү болгон. Орозалиев 2003-жылдан бери Соцфонддун ар кыл органдарында иштеген. Ал — Соцфонддун башкармалыгынын мүчөсү.
