Түркиянын Анталия шаарына турист болуп барган кыргызстандык 18 жаштагы жигит бешинчи кабаттын терезесинен кулап каза тапты. Бул тууралуу Кыргызстандын Стамбул шаарындагы башкы консулдугу кабарлады.
Мекеменин маалыматына ылайык, 14-октябрь күнү кыргыз жараны убактылуу жашап жаткан үйдүн бешинчи кабатынын кулап, Анталия шаардык ооруканасына оор абалда келип түшкөн.
Ага операция жасалган, бирок 15-октябрда таңкы саат 07:00 чамасында алган жараатынан улам каза болгон.
Полиция жигит кандай жагдайда кулап кеткенин териштирүүдө.
Кыргызстандын Стамбулдагы башкы консулдугу каза болгон баланын жакындарына ар тараптуу колдоо көрсөтүлүп жатканын кошумчалады.
