Депутат Дастан Бекешев учурда Кыргызстанга орус валютасы көп которулуп жаткандыктан рублду жүгүртүүнү чектөө керек деп эсептейт.
Бул тууралуу эл өкүлү парламенттин жыйынында айтты.«Улуттук банк рублду колдоп жаткандай болуп атат — бул туура эмес. Экономикабыз ансыз да кичинекей. Улуттук банктын чындыгында рублду колдомок тургай сомду кармап турганга шарты жок. [...] Ошондуктан чектөө киргизүүнү сунуштайм», — деди эл өкүлү.
Ошондой эле ал минкаб антикризисттик чаралар боюнча токтомго бул чектөөнү киргизип, маянанын жана пенсиянын индексациясын караштырышы керектигин кошумчалады.
Дагы окуңуз: Доллар эмне себептен өсүүдө, баалар дагы кымбаттайбы, бийлик чара көрөбү? Түшүндүрүп беребиз
Орус валютасынын куну Орусиянын аскерлери 24-февралда Украинага кол салгандан кийин дароо түшүп кеткен. Рублдун арты менен сом дагы арзандап баштаган. Жагдайды дүйнөнүн көптөгөн өлкөлөрү Орусияга карага экономикалык жана финансылык санкцияларды киргизгени да оорлоштурган.
