![](https://ky.kloop.asia/wp-content/uploads/sites/6/2022/08/photo1660893045-e1661148341642.jpeg)
«Үмүт жана Ко» ишканасынын негиздөөчүлөрүнүн бири Журат Абдуллаев эки айга камакка алынды. Бул тууралуу «Клоопко» Биринчи май райондук сотyнан билдиришти.
Маалыматка ылайык, сот ишкердин бөгөт чарасын 20-августта караган. Абдуллаев тергөө абагында 19-октябрга чейин болот.
Улуттук коопсуздук боюнча комитет Абдуллаевди 19-августта кармаган. Анын жумуш ордун жана үйүн тинтүү маалында пулёмету бар БРДМ, ар башка үлгүдөгү төрт курал-жарак, болжолдуу согуштук граната, АКСУ автоматы жана 700дөн ашык ар башка калибрдеги ок-дарылар, ок өтпөгөн амунициялар табылган.
УКМКдан кармалган ишкер «күнүмдүк жашоодо дайыма аскердик кийим (камуфляж) кийип жүрөрүн жана агрессиялык көрүнүштөргө жакындыгын, бул аны жогоруда аталган курал-жарактарды сатып алууга жана мыйзамсыз сактоого түрткөндүгүн» белгилешкен.