Баткенде коңшу Тажикстанга аткез жолу менен жер семирткич алып өтүүгө аракет кылган киши кармалды. Бул тууралуу 3-апрелде УКМКдан билдиришти.
Маалыматка караганда, Баткен шаарынын 36 жаштагы тургуну Баткен районунун «Маргун — Жаңы-Бак — Арка» айланып өтүүчү унаа жолунан кармалган. Анын «Мерседес Бенц Спринтер» жүк ташуучу унаасынан салмагы 3,5 тоннага жакын аммиак селитрасы табылган.
Учурда жүк ташуучу унаа «Орто-Боз» чек ара заставасынын аймагына киргизилди. Териштирүү иштери башталды.
