Ысык-Көл облусуна караштуу Ак-Суу районундагы тоолуу аймактан курал-жарактардын жашыруун жайы табылды. Бул тууралуу 22-апрелде УКМКнын басма сөз кызматынан билдиришти.
Маалыматка ылайык, облустагы №2028 аскердик бөлүгүнүн сапёр-инженердик тобу жана милиция кызматкерлери төмөнкү курал-жарактарды табышкан:
- 1 даана Ф1 сактагычсыз граната;
- 3 даана кол түтүн гранаталары;
- 1 бирдик ВОГ-17 снаряды;
- 1 даана сигналдык патрон;
- 3 даана белгисиз үлгүдөгү чабуул гранаталары;
- 1 бирдик 16-калибрдеги жылмакай мылтык;
- 4 даана 7,62-калибрдеги патрондор.
Атайын кызматтан бул боюнча кылмыш иши козголуп, жардыруучу заттарга жана ок-дарыларга тиешеси бар адамдарды аныктоо боюнча иштер жүрүп жатканын кошумчалашты.
