Бишкектин Эркиндик бульварында Ысык-Көлдүн айтылуу майда чабагынын (чебачки — ред.) арт-инсталляциясы пайда болду. Ал DOXA арт-тобу тарабынан жасалганы айтылууда.
Инсталляция көл чабагынын тукум курут маселесине арналган, себеби балыктардын бул түрү жок болуп кетүү коркунучунда турат.
Бир кездерде ал Ысык-Көлдөгү балыктардын эң көп кездешкен түрлөрүнүн бири болгон — 1960-жылдары ал кайырмакка түшкөн жалпы балыктын 90 пайызын түзчү. Анын популяциясы голландиялык Жан Клеркс жана кыргызстандык Бейшен Иманакунов 2002-жылы жазган «Ысык-Көл жана анын чөйрөсү» китебине ылайык, 1980 жана 1990-жылдары байкаларлык кыскара баштаган.
«1960-жылдары чабак, көлдүн балыгынын 90% түзүп, жылына 1000-1350 тонна Ысык-Көлдүн чабагы алынса, анын саны 1990-жылдары 35 эсеге азая баштаган, бул Ысык-Көлдүн башкы экономикалык балыгынын популяциясы канчалык жабыркаганын көрсөтүп турат», — деп айтылган китепте.
