АКШ өкмөтү Эл аралык өнүктүрүү агенттиги (USAID) аркылуу Оштун Жапалак айылындагы мөмө-жемиш сактоочу кампага дээрлик жети миллион сомго бааланган жабдууларды алып берди. Бул тууралуу 8-сентябрда АКШнын Кыргызстандагы элчилигинен билдиришти.
Маалыматка ылайык, жаңы сатып алынган жабдуулар ички жана тышкы рынокко багытталган 300 тоннага жакын мөмө-жемишти тоңдуруп сактоого мүмкүндүк берет.
«Дыйкандар жана кампанын жумушчулары үчүн экономикалык пайдасынан тышкары, жабдуулар жер-жемишти сактоонун мөөнөтүн узартат. Өз кезегинде, кыргызстандыктарга түшүм мезгили жыйынтыкталгандан кийин дагы мөмө-жемиш жеткиликтүү болот», — жазылат мекеме тараткан маалыматта.
Кампага орнотулган жаңы жабдуулар 300 дыйкандын кирешесин көбөйтүп, аймакты кошумча жумуш менен камсыз кылары кошумчаланат.
ТЕМА БОЮНЧА:
USAID Саламаттык сактоо министрлигине кургак учукту аныктоо үчүн 13 млн сомдук жабдууларды берди
Жалал-Абад: USAID муктаждарга 9 тонна азык-түлүк таратты
USAID саламаттык сактоону колдоо программаларына 4 млн доллар берет
