УКМКнын кызматкерлери Орто-Сай айылында мамлекеттин карамагында турган 3 гектар жерди 1,2 млн долларга сатууга аракет кылган «Кадастрдын» мурдагы башчысын кармашты.
Коопсуздук комитетинин маалыматына ылайык, 2023-жылдын март айында экс-чиновник Ж.О.С. аттуу жаранга 1 млн 200 миң АКШ долларына жер тилкесин сатып алууну сунуштаган. «Кадастрдын» мурдагы жетекчиси 20-ноябрда 10 миң доллар өлчөмүндөгү акча каражатын кайтарып берүү учурунда кармалган.
Экс-чиновник убактылуу кармоочу жайга киргизилди, ал кызмат абалын пайдалануу менен алдамчылык аракеттерди жасоого шектелип жатат.
