УКМК кызматкерлери жаны тынбай иштешин каалайсызбы? Анда кадимки үн чалуу же СМСтин ордуна мессенжерлерди колдонушуңуз керек. Телефон чалуу же СМС жазууга караганда, заманбап мессенжерлердеги маалыматты тыңшоо, аңдуу татаалырак. Эгерде Ташиевдин кол алдындагылар бүгүнкү күндөгү шифрлөөнү ача алышса, анда Камчыбек Кыдыршаевич УКМКнын төрагасы эмес, Жер планетасынын президенти болмок.
Бүгүн сиздерге мессенжерди колдонуудагы коопсуздугуңузга таасир берүүчү үч жөнөкөй эрежени айтып берем. Биринчиси. Кандай мессенжер болбосун, эки факторлуу аутентификатор колдонуу керек.
Эгерде мессенжерге СМС билдирүү аркылуу гана кире алсаңыз, аккаунтту уурдаттым деп эсептей бериңиз. Болгону, алдамчылар уурдадыбы же атайын кызмат алардан озуп кеттиби, маселе ушунда. Булар ич ара атаандаштар. Ал эми имейл менен колдонсоңуз, имейлде дагы эки факторлуу аутентификатор болууга тийиш, жана бул Mail.ru, Яндекс, же дагы башка орусиялык сервис болбосун.
Экинчи эреже. Дайыма билдирүүлөр өзү өчүп кете турган функцияны жандырыңыз. Эмнеге дегенде, сизди же сиз менен сүйлөшкөн адамды укук коргоо органдары кармашса, УКМКнын ичине кирген соң, сөзсүз телефонду блоктон чыгартышат. Мындайча айтканда, өз каалооңуз менен чыгарасыз. Элестетсеңиз, блоктон чыгарсаңыз эле кат алышуулар таптаза. Сонун го.
Үчүнчүсү. Дээрлик бардык мессенжерлердин жөндөөсүндө «байланышкан түзмөктөр» деген жери бар. Ошол жерди улам сайын текшерип, сизге тааныш эмес түзмөктөр жокпу карап туруңуз. Анткени мессенжериңизге түзмөктү улап алып, жазышууларды тымызын окуп отура берген — сиздин маалымат алмашууңузду көзөмөлдөөнүн эң оңой жолу.
Укканыңыздар үчүн рахмат. Сиздер менен сиздер сүйгөн экстремист Ринат Тухватшин болду. Бул видеону жактыруу, бөлүшүү же пикир калтыруу кооптуу болушу мүмкүн. Анткени акыйкатсыз соттор менин ишмердүүлүгүмдү экстремисттик деп тапкан.
Дисклеймер: Ринат Тухватшин ИИнин жардамы менен кыргызча сүйлөдү.
