Кыргыз бийлиги экстремист деп жарыялаган киши катары айтсам, бардык мессенжерлерден, коопсуз кат алышуу үчүн сигнал мессенжерин тандайм. Анткени, атайын кызмат менин жазгандарымды окуп, сүйлөшүүлөрүмдү тыңшоосун каалабайм. Айрыкча, башка экстремисттер менен байланышканымды.
Мен сигналды тандайм, анткени анда кыргызстандык укмкчылардын, орусиялык ФСБнын, керек болсо америкалык ЦРУнун дагы тиши өтпөгөн шифрлөө колдонулат.
Мен сигналды тандайм, анткени менин билдирүүлөрүм компаниянын серверинде сакталбайт, менин түзмөгүмдө гана болот. Аларды өчүргөн кезде, чындап эле өчүп жок болот. Бүгүн сигнал мессенжерин болушунча коопсуз колдонуунун бир нече эрежесин айтып берем.
Биринчи кезекте, сигналды колдонгон кезде, бардык чаттарда билдирүү автоматтык түрдө өчүп кете турган функция жандырылсын. Бул деген, сиз билдирүү жаздыңыз, белгилүү убакыт өткөндөн кийин, сиздеги дагы, маектешиңизде дагы билдирүүлөр өчүп кетет деген сөз. Бул өтө маанилүү, анткени сизди же сүйлөшкөн адамыңызды кармай турган болсо, атайын кызмат жазышканыңарды окуй албай калат. Алар автоматтык түрдө өчөт.
Экинчиси, сөзсүз сыр сөз, башкача айтканда PIN орнотушуңуз керек. PIN орнотулганда атайын кызмат сигналдагы аккаунтуңузду башка түзмөк аркылуу ача албайт. Кыргызстандын атайын кызматы же башкалар деле, смс билдирүүлөрдү оңой эле ортодон тосуп алат. Жана сиз сигналга смс аркылуу гана кире турган болсоңуз, алар смсти тутуп алып, башка түзмөктөн сигнал аккаунтуңузга киришет.
Бирок аккаунтка кирген учурда деле, билдирүүлөрдү окуй албайт, анткени алар бир гана колдонуп жүргөн телефондо же ноутта сакталат. Ошентсе да, мындай коркунучтан оолак болуш үчүн сөзсүз PIN колдонуңуз.
Үчүнчүсү. Сиздин сигнал аккаунтту телефон номери аркылуу издөөгө тыюу салган функцияны жандырып алыңыз. Бул сиз анонимдүү болууну каалаган жагдайда пайдалуу.
Көңүл бурганыңыздар үчүн ыраазычылык билдирем. Силер менен силер сүйгөн экстремист Ринат Тухватшин болду. Баса, бул видеону жактыруу, бөлүшүү, комментарий калтыруу кооптуу болушу мүмкүн экенин эскертем.
Дисклеймер: Ринат Тухватшин ИИнин жардамы менен кыргызча сүйлөдү.
