Материал 11:53тө жаңыртылды
Республикалык штабдын маалыматы боюнча өткөн суткада коронавирус жуктурган 83 адам каза болду. Алардын эң көбү Бишкек шаары менен Ысык-Көл облусунда катталган.
COVID-19дан каза болгондор:
Бишкек — 33;
Ысык-Көл облусу — 17;
Жалал-Абад облусу — 11;
Ош облусу — 9;
Чүй облусу — 7;
Нарын облусу — 3;
Талас облусу — 2;
Баткен облусу — 1.
Ошондой эле, Ош облустук бириккен клиникалык ооруканасынан 65 жаштагы дарыгер Темиркан Жарматова каза болду.
Жалпысынан коронавирус пандемиясы башталгандан тарта Кыргызстанда 785 бейтап каза болду.
Белгилей кетсек, Кыргызстанда 17-июлдан тарта коронавирус менен пневмониядан каза болгондордун жана илдет жуктургандардын статистикасы бириктирилди. Өкмөт 16-июлда пневмонияны коронавирус пайда кылып жатканын моюндаган болчу.
