Ош облусундагы Кара-Суу районунун Мады айыл өкмөтүнүн Ачы айылындагы каналга чөгүп кеткен жети жашар баланын сөөгү 10-августта табылды. Бул тууралуу Ош ОИИБинен билдиришти.
«Эми гана табышты, толук маалымат келе элек. Сөөк ошол эле аймактан табылды», — деп билдирди мекеменин басма сөз катчысы Жеңиш Аширбаев.
Буга чейин Өзгөчө кырдаалдар министрлиги бала 9-августта чөгүп кеткендигин маалымдаган.
Издөө иштерине төрт куткаруучу жана жергиликтүүлөрдөн он киши тартылып, бирок баланы таба алышкан эмес — кеч болуп кеткендиктен издөө иштери токтотулган.
Учурда Кара-Суу РИИБинин кызматкерлери тарабынан териштирүү иштери уланууда.
