Республикалык штаб 8-ноябрда Кыргызстанда коронавирустун 515 жаңы учуру катталганын кабарлады. Ооруну жуктуруп алгандардын арасында жети медициналык кызматкер бар.
Аймактар боюнча:
Жалал-Абад облусу — 133 (3 медкызматкер);
Бишкек шаары — 107;
Чүй облусу — 60 (2 медкызматкер);
Баткен облусу — 54;
Ош облусу — 52;
Ысык-Көл облусу — 45 (2 медкызматкер);
Ош шаары — 43;
Талас облусу — 20;
Нарын облусу — 1.
Жалпысынан Кыргызстанда COVID-19 инфекциясын жуктургандардын саны 62 819га жетти. Мындан сырткары акыркы суткада коронавирустан 546 бейтап айыкты — алардын арасында 12 медик бар. Ошондой эле илдет беш кишинин өмүрүн алды.
Коронавирустан айыккандардын аймактар боюнча көрсөткүчү:
Бишкек шаары — 117;
Жалал-Абад облусу — 113;
Баткен облусу — 96;
Ош облусу — 86;
Чүй облусу — 71;
Ош шаары — 24;
Ысык-Көл облусу — 20;
Талас облусу — 13;
Нарын облусу — 6.
Ушуну менен коронавирустан айыккандарын саны 53 952ни түзүп, 1 177 киши көз жумду.
Бүгүнкү күндө илдеттен 3 409 бейтап ооруканаларда дарыланып жатат — алардын ичинен 137 киши өтө оор абалда. Ошондой эле, 3 634 киши үй шартында дарыланууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
