Монополияга каршы жөнгө салуу мамлекеттик агенттиги коронавируска ПЧР-тест тапшыруунун баасы арзандаганын билдирди.
Мамагенттиктен билдиришкендей, бааны «Керектөөчүлөрдүн укуктарын коргоо жөнүндө» мыйзамынын, андан тышкары Ооруларды алдын алуу жана мамлекеттик санитардык-эпидемиологиялык көзөмөлдөө департаментинин эсеп материалдарынын жана кызмат көрсөтүүлөрдү анализдөөнүн негизинде арзандатууга мүмкүн болгон.
«2021-жылдын 25-июнундагы буйрукка ылайык, ПЧР-тесттин тарифинин өлчөмү 788 сомду түздү», — деп билдиришти мамагенттиктен. Мурда бул тарифтин өлчөмү 1 574 сомду түзчү.
Учурда жарандар коронавируска ПЧР-тестти бир катар жеке менчик лабораторияларда тапшыра алышат:
- «Бонецкий Лабораториясы»;
- «Aqua Lab»;
- «Интермедикал»;
- «Гемотест».
Ошондой «Манас» аэропортунда өлкөгө келип жана чыгып кетип жаткандар үчүн дагы экспресс тест жүргүзүлөт.
