Кыргызстанда 5-сентябрга карата коронавирустун 126 жаңы учуру катталды. Бул тууралуу республикалык штабдан билдиришти.
Бишкек шаарында — 46;
Ысык-Көл облусунда — 38;
Чүй облусунда — 25;
Талас облусунда — 10;
Баткен облусунда — 12;
Жалал-Абад облусунда — 4;
Нарын облусунда — 2.
Ошондой эле акыркы суткада 127 бейтап коронавирустан айыгып чыкты. Мындан сырткары, акыркы суткада коронавирус жуктурган төрт бейтап каза болду.
Кыргызстанда COVID-19 пандемиясы башталгандан бери илдетке чалдыккан бейтаптардын жалпы саны 176 миң 473кө жетти. Ал эми өлкө боюнча 170 миң 523 киши оорудан айыкты. Пандемия башталгандан бери илдеттен жалпы 2 550 киши көз жумду.
Учурда ооруканаларда 875 бейтап дарыланып жатат. Үй шартында дарылангандардын саны — 1 072.
Республикалык штабдын маалыматына ылайык, 5-сентябрга карата COVID-19га каршы вакцинанын биринчи дозасын 3 344 адам, ал эми экинчи дозасын 6 068 адам алды.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
