Парламент депутаты Дастан Бекешев Телеграм каналында минкаб Европа өнүктүрүү банкынан өлкөнүн бюджетин колдоо үчүн 160 млн доллар насыя алууну пландап жатканын билдирди.
«Акча энергетика тармагын, айыл чарба жана азык-түлүк коопсуздугун камсыздоого жумшалат», — деп жазды Бекешев.
Эл өкүлү жарыялаган документтерге ылайык, Кыргызстан Европа өнүктүрүү банкынан насыя алат. Акчаны өлкө эки транш менен алат: биринчисин — 2022-жылы жана экинчисин — 2023-жылы.
