1-июлдан тартып Бишкек — Жалал-Абад — Бишкек каттамы күн сайын аткарыла баштайт. Бул тууралуу «Манас» эл аралык аба майданы кабарлады.
Маалыматка ылайык, учурда кыргызстандык TezJet компаниясынын учагы Бишкектен Жалал-Абадга жумасына үч жолу — дүйшөмбү, жума жана жекшемби күндөрү — каттайт.
Ушул айдын башында президент Садыр Жапаров Ысык-Көл облусундагы Каракол» эл аралык аэропортунун жаңы аэровокзалынын курулушуна капсула салган. Ал 2023-жылдын соңунда пайдаланууга берилмекчи.
Анда маалым болгондой өлкөнү 2026-жылга чейин өнүктүрүү программасынын алкагында бардык аба майдандардын инфраструктурасы жакшырып, ички авиакаттамдар калыбына келтирилерин билдирген.
