Кыргызстандын футбол боюнча улуттук курамасы 2023-жылы өтө турган Азия кубогунун финалдык баскычына чыкты.
Анткени Монголияда В тайпасында өткөн тандоо оюндарынынын чечүүчү матчында Палестинанын футболчулары Филиппин курамасын 4:0 эсебинде жеңип алды. Ошентип палестиналыктар тайпада 1-орун менен Азия кубогуна жолдомо алышты.
Филиппин курамасы үч беттештин жыйынтыгында 4 упайга ээ болду. Кыргыз курамасы F тайпасында эки беттеш өткөрүп, Сингапурду (2:1) жана Мьянманы (2:0) жеңгени үчүн 6 упай топтогон (ар бир жеңиш үчүн 3 упай берилет).
Бул күндөрү алты мамлекетте футбол боюнча үчүнчү тандоо айлампасы өтүп жатат. Анын жыйынтыгы менен Азия Кубогуна 11 жолдомо ойнотулат. Бул жолдомо үчүн 6 тайпада төрттөн команда күч сынап жатышат.
2023-жылы өтө турган Азия кубогуна өз тайпаларында биринчи орунду алган алты команда чыгып жатат. Ошондой эле ага өз тайпаларында экинчи орунду камсыздаган жана упайы көп болгон 5 мыкты команда дагы катышат.
Бүгүн кыргыз футболчулары тажик оюнчулары менен жыйынтыктоочу беттешти өткөрүшөт, бирок эки команда тең оюндун жыйынтыгы карабастан Азия кубогуна чыкты.
![](https://ky.kloop.asia/wp-content/uploads/sites/6/2022/06/20220608225808_9J4A0696.jpg)
![](https://ky.kloop.asia/wp-content/uploads/sites/6/2022/06/2bbda4fe-5dae-4d63-8e4a-3007c56663d4.jpg)
![](https://ky.kloop.asia/wp-content/uploads/sites/6/2022/06/54a3e9f4-14f5-4e0f-a680-1e887c1eeb10.jpg)
![](https://ky.kloop.asia/wp-content/uploads/sites/6/2022/06/959286bf-8700-48ca-9e69-acb1944fd16f.jpg)
![](https://ky.kloop.asia/wp-content/uploads/sites/6/2022/06/18b27680-4b6b-488a-8964-2e69e3ece4dd.jpg)
![](https://ky.kloop.asia/wp-content/uploads/sites/6/2022/06/ab06c916-bd61-48e1-a417-3a26acbf8d80.jpg)
Кыргызстан менен Тажикстандан тышкары Азия кубогунун финалдык баскычына Өзбекстан, Тайланд, Гонконг жана Индия улуттук курамалары өткөн.