Баткен облусунда 12 тонна жер семирткичти Өзбекстандан мыйзамсыз ташып келе жаткан 19 жаштагы жаран кармалды. Бул тууралуу Улуттук коопсуздук мамлекеттик комитетинен билдиришти.
Атайын кызматтын маалыматына ылайык, шектүү Боз-Адыр – Баткен унаа жолунда бара жатканда колго түшкөн.
«Унааны текшерүү учурунда Өзбекстанда өндүрүлгөн 12 тонна минералдык жер семирткич табылган. Алдын ала эсептөөлөр боюнча жүктүн баасы 480 миң сомду түзөт», — деп белгилешти УКМКдан.
Учурда бул факты боюнча Батке облусунун бажы кызматы иликтөө иштин баштады.
Үстүбүздөгү жылдын 30-апрелинде Баткен облусунун Лейлек району аркылуу Тажикстанданга жалпы көлөмү 4 тоннаны түзгөн минералдык жер семирткич алып өтүүнү көздөгөн айдоочу кармалган.
