35 жаштагы Эрнис Толтоев Ош облусунун башчысы Зиядин Жамалдиновдун орун басары болуп дайындалды. Бул тууралуу облустук администрациядан билдиришти.
Маалыматка караганда, тиешелүү буйрукка минкабдын төрагасы Акылбек Жапаров кол койгон. Толтоев 10-августта жамаатка тааныштырылды.
Эрнис Толтоев 35 жашта. Ал Өзгөн районундагы Кызыл-Сеңир айылында туулган.
2009-жылдан баштап бир катар мамлекеттик кызматтарда иштеген.
Ал эми 2012-жылдан 2016-жылга чейин экс-президент Сооронбай Жээнбеков облусту башкарып турганда анын жардамчысы болгон.
Ал арада 2013-2016-жылдары Өзгөндүн Кызыл-Октябрь айыл өкмөтүн башкарганга жетишкен. Мындан сырткары Ош шаардык кеңешинде депутат болгон.
Толтоев Сооронбай Жээнбеков премьер-министр, андан соң президент болгондо да анын жардамчысы болуп иштеген.
Ал эми 2020-жылдын декабрында ал экс-президенттин коомдук фондун жетектегени белгилүү болгон.
