Бажы кызматы төлөмдөрдү чогултуу планын аткарбагандыктан быйыл мамлекеттик бюджетке 24 млрд сом жетпей калат. Бул тууралуу Бажы кызматынын төрагасы Самат Исабеков 2023-жылдын бюджетин кароо учурунда билдирди.
Исабеков буга оор геосаясий кырдаал себеп болгонун айтты.
«Бүгүнкү күндө 57 млрд сом чогултулду, ал эми 2022-жылга карата 98,5 млрд сом чогултуу пландалган», — деди ал
Министрлер кабинетинин төрагасы Акылбек Жапаров жыл башында Бажы кызматына 100 млрд сомго жакын салыктык кирешелерди чогултуу тапшырмасын койгон.
