Саламаттык сактоо министрлиги Улуттук онкология жана гематология борборуна аялдардын гинекологиялык ооруларын нур терапиясы менен дарылоого арналган эки заманбап аппарат алынганын билдирди.
Маалыматка ылайык, брахитерапия бөлүмүнө алынган жабдуунун баасы 1 миллион 400 еврону түзөт.
Министрликтен аппараттар гинекологиялык гана эмес, башка нур терапиясы менен дарылоого муктаж болгон бейтаптарга жардамы тиерин белгилешти. Ошондой эле, тиешелүү адистер — врачтар, инженерлер, физиктер окутуудан өткөрүлгөнүн кошумчалашты.
Аталган борбордун гинекология бөлүмүндө онкологиялык дарттар менен жылына 300 аял кайрылат. «Азаттык» басылмасы андагы бахитерапиялык жабдуу 2020-жылдын ноябрь айынан бери бузулуп, иштебей турганын, бейтаптар коңшу өлкөлөргө нур терапиясы үчүн барууга мажбур болуп келгенин жазды.
Автору: Бурулсун Жумалиева
