![](https://ky.kloop.asia/wp-content/uploads/sites/6/2023/06/VWc6Zz8YD0.jpg)
Жалал-Абад облусунун Сузак районунда 23 жаштагы тургун телефондо сүйлөшүп жатканда чагылган түшүп каза тапты. Маалыматты 21-июнда «Клоопко» ӨКМден тастыкташты.
Кырсык 19-июнь саат 09:20да катталганы айтылды. Маркум талаада чөп жыйнап, телефон аркылуу сүйлөшүп турган убакта ага чагылган түшкөн.
Жанында иштеген айылдаштары маркумдун сөөгүн үйүнө алып барып, ата-энесине тапшырышкан. Анын артында келинчеги жана 1 кызы калды.
Мындан бир жыл мурда, Чүй облусунун Токмок шаарындагы №3 мектептин спорт аянтчасына чагылган түшүп, бир окуучу жеринде каза тапкан. Ал эми дагы эки окуучу жандандыруу бөлүмүнө түшкөн.
ТЕМА БОЮНЧА: