Ысык-Көл облусунун Тоң районундагы Көк-Мойнок-1 айылында 30 турак үйдүн короо-жайларын, жертөлөлөрүн жана ички жолдорун сел каптады. Бул тууралуу 28-августта ӨКМден билдиришти.
Маалыматка ылайык, кырсык 27-августа катталды. Сел жүргөн аймакты тазалоо үчүн ӨКМден 32 кызматкер, жергиликтүү тургундардан 10 адам чыкты.
Ошондой эле оор жумуштарды аткарууга министирликтен кошумча 6, жергиликтүү бийликтен 2 техника тартылды.
Үстүбүздөгү жылы өлкөдө жылына орто эсеп менен 73 сел жүрдү, анын 6 учуру өзгөчө кырдаал деп катталган.
Август айынын башында 10дон ашык каттуу сел катталып, анда Ысык-Көл облусунун Түп, Жети-Өгүз райондору жана Чолпон-Ата шаары, Жалал-Абад облусунун Аксы, Базар-Коргон жана Ала-Бука райондору, Баткен облусунун Баткен району жабыр тарткан.
ТЕМА БОЮНЧА:
ӨКМ: Нөшөрлүү жаан-чачынга байланыштуу тоолуу аймактарда сел жүрүшү мүмкүн
