Социалдык өнүктүрүү фонду парламентке акча жүгүртүмү 30 млн сомдон ашпаган бизнестер үчүн камсыздандыруу тарифтерин төмөндөтүү жөнүндө мыйзам долбоорун сунуштады. Бул тууралуу ведомстонун жетекчиси Бактияр Алиев парламенттин 3-марттагы отурумунда айтты.
«Жалданган кызматкерлердин саны кеминде беш адам болсо, ай сайын 27,25%дан 22 пайызга чейин, ал эми алардын саны 15 адам болсо, 27,25%дан 14 пайызга чейин, жумуш берүүчүдөн 17,25%дан 4%га чейин төмөндөтүү каралууда», — деди ал.
Алиевдин айтымында, тарифтерди төмөндөтүү 2022-жылдан 2024-жылга чейин созулат. Ал документ президенттин камсыздандыруу төлөмдөрүн төмөндөтүү боюнча жарлыгын аткаруу максатында иштелип чыкканын кошумчалады.
Документте мамлекеттик бюджеттен каржылануучу ишканалар, мамлекеттик ишканалар, ошондой эле мамлекеттик үлүшү 51%дан ашкан уюмдарга бул өзгөртүүлөрдүн тиешеси жоктугу айтылат.
