Спортчу Айпери Медет кызы Сербияда өтүп жаткан күрөш боюнча Дүйнө чемпионатында финалга чыкты.
Медет кызы 76 кг салмакта таймашып, финалга таймаштын 1/16 аттанган. Ал катары менен румыниялык, беларустук жана канадалык атаандаштарын жеңип, ал эми жарым финалда колумбиялык Татьяна Рентерионун далысын килемге басып, жеңишке жетти.
20-сентябрда финалда кыргыз спортчусу дүйнө чемпиону наамын алыш үчүн жапониялык Юка Кагами менен беттешет.
Посмотреть эту публикацию в Instagram
Рrosports.kg порталы билдиргендей, Медет кызынын финалга чыгуусу ага 2024-жылы Парижде өтүүчү Олимпиадага жолдомону да камсыз кылган.
Улуттук кураманын куржунуна биринчи медалды Тайырбек Жумашбек уулу алып келген. Ал 17-сентябрда эркин күрөш боюнча 61 кг чейинки салмакта коло байгени багынткан.
Бул Дүйнө биринчилиги 16-24-сентябрь күндөрү Сербиянын Белград шаарында өтөт. Спортчулар эркин, грек-рим жана аялдар күрөшүндө күч сынашып жатышат.
Аталган мелдеш 2024-жылы Парижде өтө турган жайкы Олимпиада оюндарына жолдомону камсыздай турган мелдеш болуп эсептелет. Дүйнөлүк чемпионатта Олимпиадага жолдомону ар бир олимпиадалык салмак категориясындагы бештен балбан алат.
