15-апрелде Бишкекте Орусиянын «Искушение» бий театры жамгыр алдындагы «Мени менен сенин ортоңдо» деген аталыштагы шоусун тартуулады. Санкт-Петербургдан келген эркектер жамааты Спорт ордосунда бир жарым саатка созулган концерт койду.
«Искушение» бий театры Орусиянын бийчилери, гимнасттары жана акробатика боюнча чемпиондорунан турат. Эркектерден турган жамааттын жетекчиси Санкт-Петербургга 2001-жылы барган Рустам Надыршин болуп эсептелет.
Театр жетекчисинин айтымында, «Мени менен сенин ортоңдо» шоусу андагы бийлердин суу агымынын алдында аткарылганы менен уникалдуу. Надыршин төгүп турган жамгыр системасын өз алдынча иштеп чыккан.
Бир жолку концерт үчүн бир тонна суу кетет, кийин ал полдо 10-15- сантиметрлик суу катмарын пайда кылат. Номурлардын алдында сахнага атайын тайгалантпай турган линолеумдар төшөлөт.
Шоунун программасын 10 кишинин аткаруусундагы хореографиялар жана театр курамындагы жалгыз актер Александр Миловидовдун жалгыз монологу түзөт.
«Кээ бирде мен сезимдеримди сөз менен айтып түшүндүрө албайм, ошондуктан менин монологуман кийин бийчилер хореография аркылуу көрүүчүлөргө ал сезимдерди, маанайларды жана эмоцияларды жеткиришет», — деди актер.
Надыршин жалаң гана эркектерден турган жамаатта иштөө жеңил деп эсептейт.
«Учуу маалдарында эч ким даттанбайт, бардыгы тең сааттап бийлешип, туруктуулук менен эмгектенишет», — деп белгиледи ал.
Бий театры Бишкекке жаңы программасы менен 2017-жылдын февралында келүүнү пландап жатат.
Видео: Дастан Үмөттегин
Монтаж: Азат Рузиев
