Президент Сооронбай Жээнбеков ЖМКлар менен болгон бүгүнкү басма сөз жыйында тышкы саясаттагы өзгөрүүлөр жөнүндө айтып берди.
«Биз тышкы саясат боюнча саясатты өзгөртүп жатабыз, кредиттер боюнча артыкчылыктарды өзгөрттүк. Узак мөөнөттүү [насыя] алып, грантарды издеп атабыз. Каражаттар көп, аларды тапса болот», — деди президент.
Кыргызстан өз ИДПсынан Кытайга болгон тышкы карызынын үлүшү боюнча дүйнө жүзүндө 5-орунда турат. Мамкарыздын өзү бир аз азайган — мурда ал 4 млрд доллардан ашуун болчу, бирок ага карабастан, ал дагы деле көп жана 3,7 млрд долларды түзөт. Анын дээрлик жарымы — 45% — бул Кытайдын «Эксимбанкына» болгон карыз.
Кытай бийлиги өз кезегинде Кыргызстан карызын төлөп бүтүшү керектигин баса белгилеп айтып келет — бул тууралуу 2018-жылы мартта Кытайдан элчиси Сяо Цинхуа билдирген. Эгер Кыргызстан алган насыясын өз убагында төлөп бере албай калса, анда Кытай эл аралык соттор аркылуу өлкөнүн каалаган активин талап кылууга укуктуу болот.
