Кыргызстандын Тышкы иштер министрлиги маалымдагандай, Стамбулдун аэропортунда Pegasus авиакомпаниясынын учагы кыйрап, натыйжада эки кыргызстандык жабыркады. Алар ооруканага жаткырылып, керектүү медициналык жардам көрсөтүлүүдө.
Медиктердин маалыматына ылайык, жабыркагандардын абалы канааттандыраарлык.
Алар 24 саат медициналык кароодо болушу керек болчу. Алар менен мындан ары эмне болоору азырынча белгисиз. ТИМ комментарий берүүдөн баш тартты.
Буга чейин ТИМ каза тапкандар жок экенин кабарлаган, бирок BBCнин маалыматы боюнча, үч адам каза тапкан. Басылма Түркиянын саламаттык сактоо министрлигине таянып, каза тапкандардан тышкары, дагы 179 адам жабыркаганын маалымдады.
«Измир — Стамбул» маршруту боюнча каттамын аткарып жаткан учак Сабихи Гёкчен атындагы аэропортко катуу конуш жасап, натыйжада жалбырттап баштап, үчкө бөлүнүп кеткен.
Стамбулдун губернаторунун айтымында, учак начар аба ырайынан улам учуп-конуу тилкесинен 50-60 метрге четтеп кеткен.
Окуядан улам аэропорт жабылып, каттамдар башка аэропортторго жөнөтүлгөн.
