Республикалык штабдан өткөн суткада коронавирус жуктурган дагы 38 бейтап айыкканын кабарлашты — алардын арасында 11 медкызматкер бар. Айыккандардын 19у Бишкек шаарында дарыланып чыгышкан. Ошондой эле Нарын облусунда 13, Ош шаарында төрт, Ош жана Жалал-Абад облусттарында бирден бейтаптын коронавируска тапшырган анализдери терс жыйынтык көрсөттү.
Ушуну менен коронавирус жуктуруп айыккан бейтаптардын саны 1483кө жетти — бул жалпы оорулуулардын 72 пайызын түзөт. Алардын арасында 293 медкызматкер бар.
Кыргызстанда 9-июнга карата коронавирустун жаңы 23 учур катталды — жалпы 2055 учур. Бүгүнкү күндө ооруканаларда 548 адам жатат — алардын экөөсү оорукананын жандандыруу бөлүмүндө.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
