Ош облусунун Кара-Суу районундагы Сарай айыл аймагына чагылган түшүп, 13 жашар баланын өмүрүн алды. Бул тууралуу Өзгөчө кырдаалдар министрлиги билдирди.
Окуя 21-июль күнү кечинде болду. Маркум аталган аймактагы Миялы айылында мал кайтарып жүргөн кезинде ага чагылган тийген.
Кара-Суу метеостанциясынын билдирүүсү боюнча, күндүн күркүрөшү саат 18:45те башталып 21:40ка чейин уланган.
