Акыркы суткада COVID-19га чалдыккан дагы 28 бейтап көз жумду. Бул тууралуу Республикалык штаб 28-июлда билдирди.
Алардын ичинен беш бейтаптан COVID-19 лабораториялык тастыкталган. Ал эми калган 23 бейтап коронавирус пайда кылган пневмонияга чалдыккан.
Каза болгондордун эң көбү Бишкек шаарында катталды — 10. Ошондой эле Чүй, Нарын, Ысык-Көл облустарында — экиден, Ош шаары, Ош жана Талас облустарында — бирден жана Жалал-Абад облусунда — тогуз бейтап кайтыш болду.
Буга чейин өкмөт пневмонияны коронавирус инфекциясы пайда кылаарын моюндаган. Жалпысынан Кыргызстанда илдеттен 1 329 киши көз жумду — алардын арасында ондогон медкызматкер бар.
Өлкөдө коронавирус жуккандардын саны 33 844кө жетти. Жалпысынан 22 296 киши илдеттен сакайды.
