Коомдук саламаттык сактоо башкармалыгынын жетекчиси Айнура Акматова 12-августта коронавирустун жаңы 304 учуру катталганын кабарлады. Илдетке чалдыккандардын арасында 14 медкызматкер бар.
Аймактар боюнча:
Бишкек шаары — 88;
Баткен облусу — 43;
Ош облусу — 42;
Ысык-Көл облусу — 37;
Жалал-Абад облусу — 28;
Чүй облусу — 27;
Ош шаары — 21;
Нарын облусу — 11;
Талас облусу — 7.
Ушуну менен COVID-19 жуктуруп алган жарандардын саны 40 759га жетти — алардын 17 711и лабораториялык тастыкталган. Калган 23 048 бейтапта ооруканадан сырткары пневмония аныкталган. Ооруну жуктуруп алгандардын арасында 2 981 медициналык кызматкер бар.
Коронавиурсту жуктуруп алгандардын 33 027 — башкача айтканда 81 пайызы айыгып, 1 484 киши каза болду. Учурда 6 443 бейтап ооруканаларда калууда.
Эң көп бейтап Бишкек шаарындагы стационарларда дарыланып жатышат — 2 963. Ошондой эле Ош облусунда — 899, Чүй облусунда — 597, Ысык-Көл облусунда — 493, Жалал-Абад облусунда —442, Ош шаарында — 530, Баткен облусунда — 364, Нарын облусунда — 104 жана Талас облусунда — 51 киши ооруканаларда калууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
