Саламаттыкты сактоо министринин орун басары Мадамин Каратаев 13-августта коронавирустун жаңы 310 учуру катталганын маалымдады. Ооруга чалдыккандардын 75инде COVID-19 лабораториялык аныкталган, ал эми калган 235инде клиникалык-эпидемиологиялык тастыкталган.
Аймактар боюнча көрсөткүч:
Бишкек шаарында — 99;
Ош облусунда — 35;
Баткен облусунда — 19;
Жалал-Абад облусунда — 54;
Чүй облусунда — 15;
Ош шаарында — 16;
Ысык-Көл облусунда — 55;
Талас облусунда — 9;
Нарын облусунда — 8 кишиде коронавирус аныкталды.
Жалпысынан COVID-19ду жуктуруп алгандардын саны 41 069га жетти — 2271 медкызматкер бар. Анын ичинен 33 318 бейтап айыгып, 1 487 киши көз жумду.
