Рыспай Абдыкадыров атындагы Ош облустук филармониясынын жетекчиси, Кыргыз эл артисти, «Кыз-Бурак» тобунун негиздөөчүсү Гүлшайыр Садыбакасованын уулу Эркин Садыбакасов 26-августта каза болду. Ал 18 жашта эле.
Садыбакасованын кесиптештери ага фейсбукта көңүл айтышууда.
«Гулшайыр Садыбакасова эжебиздин уулу Эркин мезгилсиз дүйнөдөн кайтыптыр… жайы жаннатта болсун!» — деп жазды журналист Расул Рахманалиев.
Маркумдун бир тууган эжеси иниси түндө жүрөгү ооруп жаткандыктан тез жардам чакырганын, андан көп өтпөй ооруканада көз жумганын айтты.
Ырчынын уулу 2019-жылы Ош шаарындагы Ага-Хан мектебин аяктаган. Ал музыкалык аспаптарда ойноп, ырдачу. Анын артында апасы жана эжеси, ырчы Сайкал Садыбакасова калды.
