Республикалык штабдан 14-октябрга карата коронавирустун жаңы 330 учуру катталганын кабарлашты.
Аймактар боюнча:
Ош облусунда — 74;
Жалал-Абад облусунда – 70;
Бишкек шаарында — 68;
Баткен облусунда - 43;
Ош шаарында — 36;
Ысык-Көл облусунда – 18;
Чүй облусунда – 12;
Талас облусунда — 9.
Мындан сырткары өткөн суткада илдеттен 172 бейтап айыгып, эки киши көз жумду.
Коронавирустан айыккандардын эң көбү Жалал-Абад облусунда катталды — 47. Ошондой эле Ош облусунда — 39, Баткен облусунда — 35, Бишкек шаарында — 14, Чүй облусунда — 17, Ош шаарында он, Ысык-Көл облусунда жети жана Нарын облусунда үч бейтап сакайып, ооруканалардан чыгарылды.
Жалпысынан Кыргызстанда COVID-19га чалдыккан бейтаптардын саны 50 201ге жетти — алардын ичинен 44 884 бейтап оорудан айыкты. Ошондой эле коронавирус 1 094 кишинин өмүрүн алды — алардын ичинде 83 медкызматкер бар.
Бүгүнкү күндө коронавирустан 1 960 бейтап ооруканаларда дарыланып жатат. Ошондой эле 1 801 киши үй шартында дарыланууда.
Коронавирус инфекциясы медкызматкерлердин арасында да катталды — өткөн суткада өлкөдө жети медик илдетке чалдыкканы белгилүү болду. Алардын үчөө Жалал-Абад облусунда, экөө Талас облусунда, Баткен жана Ысык-Көл облустарында бирден.
Ошондой эле өткөн суткада тогуз медкызматкер айыкты. Жалпысынан COVID-19ду 3 456 медик жуктуруп, алардын 3 105и оорудан сакайган.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
