Республикалык штаб 1-декабрда Кыргызстанда коронавирустун жаңы 371 учуру катталганын маалымдады. Илдетти жуктуруп алгандардын арасында 10 медициналык кызматкер бар.
Аймактар боюнча:
Чүй облусу — 126 (эки медкызматкер);
Жалал-Абад облусу — 86 (үч медкызматкер);
Бишкек шаары — 69 (үч медкызматкер);
Ысык-Көл облусу — 36 (бир медкызматкер);
Баткен облусу — 26;
Ош облусу — 11;
Талас облусу — 11 (бир медкызматкер);
Ош шаары — 11;
Нарын облусу — 3.
Ошондой эле акыркы суткада коронавирустан 562 бейтап айыкты — алардын арасында тогуз медкызматкер бар.
Коронавирустан Бишкек шаарында — 114, Жалал-Абад облусунда — 109, Чүй облусунда — 99, Баткен облусунда — 68, Ысык-Көл облусунда — 50, Ош облусунда — 48, Талас облусунда — 47, Ош шаарында — 16 жана Нарын облусунда — 11 бейтап сакайып, ооруканадан чыгарылды.
Мындан сырткары ооруну жуктурган төрт киши көз жумду — алардын экөө Ош облусунда, бирден бейтап Чүй жана Талас облустарында катталды.
Ушуну менен Кыргызстанда COVID-19 инфекциясын жуктургандардын саны 73 178ге жетти. Анын ичинен 64 711 бейтап айыгып, 1 275 киши дүйнө салды.
Бүгүнкү күндө илдеттен 2 636 бейтап ооруканаларда дарыланып жатат — алардын ичинен 124 киши өтө оор абалда. Ошондой эле, 3 765 адам үй шартында дарыланууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
