Ош облустук ички иштер башкармалыгынын башчысынын милдетин аткаруучу болуп 26-декабрда милициянын полковниги Жеңишбек Абидов дайындалды. Малик Нурдинов эки күн мурун ден соолугуна байланыштуу кызматтан кетүү тууралуу арызын жазган.
Абидовду башкармалыктын өздүк курамына ИИМдин башчысынын биринчи орун басары, генерал-майор Сүйүнбек Өмүрзаков тааныштырды.
Абидов буга чейин Бишкектин Ленин жана Панфилов райондорунун ички иштер башкармалыктарын жетектеген.
Экс-президент Сооронбай Жээнбеков кызматтан кетип жатып Малик Нурдиновго генерал-майор наамын ыйгарып кеткен. Нурдинов өлкөгө Өзгөчө абал кирген учурда Ош шаарынын, Кара-Суу жана Ноокат райондорунун коменданты болгон.
Буга чейин Нурдинов Жалал-Абад ОИИБинин башчысы болуп турган.
