Республикалык штаб акыркы сутка ичинде COVID-19 илдетинен бир адам каза тапканын маалымдады. Пандемия башталгандан бери республика боюнча коронавируска жана ооруканадан тышкаркы пневмонияга чалдыккан 1 355 адам кайтыш болду.
Мындан тышкары, акыркы сутка ичинде коронавирус инфекциясы өлкө боюнча 191 адамда аныкталды:
- Бишкек — 64;
- Ош шаары — 4;
- Чүй облусу — 46;
- Ош облусу — 9;
- Талас облусу — 7;
- Нарын облусу — 5;
- Ысык-Көл облусу — 27;
- Жалал-Абад облусу — 24;
- Баткен облусу — 5.
Кыргызстанда пандемия башталгандан бери COVID-19 жуктуруунун 81 034 учуру катталган.
Акыркы сутка ичинде эки медицина кызматкери дартка кабылган — алар Бишкек шаарынын ооруканаларында эмгектенишет.
Мындан тышкары, сутка ичинде илдеттен беш медик айыгып чыкты, дагы үч медик үй карантининен чыгарылды. COVID-19 диагнозу тастыкталган медиктердин жалпы саны 4 114 адамга жеткен, алардын ичинен 3 918 айыгып чыкты.
Пандемия маалында жалпысынан 75 918 адам коронавирустан айыккан.
