УКМКнын басма сөз кызматы 22-январда ведомство ИИМ менен биргеликте Ысык-Көл облусунда «Ботош» деген каймана аттуу уюшкан кылмыштуу топтун (УКТ) мүчөсүн кармашканын маалымдады.
Атайын кызматтын маалыматына ылайык, «Ботош» К.Асанбектин кылмыштуу тобунун мүчөсү, ал Ысык-Көл облусунда бир катар кылмыштарды жасаган деп шектелген.
Мындан тышкары, күч кызматкерлеринин айтымында, облустук сот 2020-жылы анын баш коргоо чарасын өзгөртүп, үй камагына чыгарган, бирок ал үй камагында болуу шартын бузган.
Басма сөз кызматтан кошумчалашкандай, УКМК УКТны жок кылуу боюнча иш-чараларын улантууда.
