Республикалык штабдан 23-апрелде коронавирустун жаңы 272 учуру катталгандыгын маалымдашты. Анын ичинде лаборатордук тастыкталганы — 242, клинико-эпидемиологиялык тастыкталганы — 30.
Аймактар боюнча көрсөткүч:
Бишкек шаарында — 148;
Чүй облусунда — 86;
Ош облусунда — 4;
Ысык-Көл облусунда — 18;
Жалал-Абад облусунда — 4;
Ош шаарында — 6;
Баткен облусунда — 1;
Нарын облусунда — 3.
Жалпысынан Кыргызстанда COVID-19га чалдыккан бейтаптардын саны 93 278ге жетти.
Ал эми акыркы суткада 163 бейтап коронавирустан айыгып, үйлөрүнө чыгарылды. Бишкек шаарында — 78, Чүй облусунда — 52, Ош шаарында жана Ош облусунда — үчтөн, Нарын облусунда — эки, Баткен облусунда — төрт, Ысык-Көл облусунда — он беш, Жалал-Абад облусунда — алты бейтап сакайды.
Ушуну менен өлкө боюнча 87 717 киши оорудан айыкты. Ооруканаларда 1 406 бейтап дарыланып жатат. Анын ичинен 330 киши оор, 56 бейтап өтө оор абалда. Ал эми үй шартында 1 609 киши дарыланып жатат.
Акыркы сутка ичинде жүргүзүлгөн ПЧР изилдөөлөрдүн саны — 3 670.
Мындан сырткары, акыркы суткада Бишкек шаарында — төрт жана Чүй облусунда — үч COVID-19ду жуктурган бейтап каза болду. Кыргызстанда илдеттен 1 573 киши көз жумду.
Ошондой эле, акыркы суткада Бишкек шаарында эмгектенген эки медик коронавируска чалдыкты. Жалпысынан коронавирус жуктурган медицина кызматкерлеринин саны 4 382ге жетти, анын ичинен 4 297 медкызматкер илдеттен айыкты.
